“ОСМО” ХХК-ийн товч танилцуулга

      ОСМО ХХК нь 2005 оны 8 сарын 8 өдрөөс үл хөдлөх хөрөнгө зуучлалын салбарт үйл ажиллагаагаа явуулж эхэлсэн Монголын анхны зуучлалын компани юм. Манай компани Үйлдвэр үйлчилгээний зориулалттай объект борлуулах алба , Газар борлуулалтын алба, Орон сууц борлуулалтын алба, Хашаа байшин борлуулалтын алба, Зуслангийн байшин, газар борлуулалтын алба, Түрээсийн алба гэсэн 5 албатай. 2017 оноос орон нутагт үл хөдлөх хөрөнгө борлуулах шинэ албыг ажиллуулж эхлээд байна. ОСМО компани олон жил ажилласан өндөр түвшинд бэлтгэгдсэн риэлторууд, үл хөдлөх хөрөнгийн зах зээлийн үнэлгээний экспертүүд, энэ чиглэлээр дагнан мэргэшсэн хуульчид зэрэг нийт 21 ажилтантай. Бид өөрийн онцлогт нийцсэн, Монгол улсын хууль эрх зүйн орчинд ажиллах зуучлалын цоо шинэ менежментийг бий болгож ажилласан. Өнгөрсөн 12 жилийн хугацаанд манай гадаад хамтын ажиллагаа улам өргөжиж, Монголд ажиллаж байгаа гадаадын хөрөнгө оруулалттай ихэнх компани, элчин сайдын яамд, олон улсын байгууллагууд манай компаниар зуучлуулан үл хөдлөх хөрөнгө худалдаж авах, түрээслэх үйлчилгээг байнга авч, найз нөхөддөө санал болгож байдагт бид үргэлж талархаж байдаг. Одоогоор Улаанбаатар хотын хэмжээнд зуучлалаар зарагдаж байгаа үйлдвэр, үйлчилгээний зориулалттай барилга байгууламжийн 50%, орон сууцны 50-60%, хашаа байшингийн 80-90%, зуслангийн зориулалттай газар, байшингийн 90% нь манай байгууллагын зуучлалаар зарагдаж байна. Үл хөдлөх хөрөнгийн худалдаа нь нарийн төвөгтэй, олон талын ур чадвар шаарддаг процесс юм. Олон жилийн туршлагатай, мэргэжлийн компанитай хамтран ажиллах нь үйлчлүүлэгч бүрт ашигтай байдаг. Иймд та бүхэн ОСМО компанид энэ ажлыг даатгаарай.

Хүндэтгэсэн ОСМО ХХК гүйцэтгэх захирал Б. Ариунболор